Triple homicide dans le centre Corse : l'enquête débute
(A redazzioni d'Alta Frequenza) - Triplici umicidiu issu dopu meziornu (marti) in Corsica Suprana. I fatti sò accaduti versu 3 ori, à u nivellu di u Ponti di Castirla, vicinu à Corti. Trè omi tombi da parechji balli, di una trentina d'anni, sò stati ritrovi ind'una vittura. Hè un automobilistu chì hà chjamatu i succorsi, dopu ad avè fattu issa scuparta spavintosa. Subbitu, i servizii di gendarmeria è di u ministeru publicu sò andati sopralocu, da rializà i primi custatazioni. Un perimetru di securità largu hè statu missu in ballu, blucchendu ancu a circulazioni, chì ùn hè ancu stata ristabilita è chì ùn duvaria micca essa aparta nanzi à u principiu di a nuttata. L'inchiestadori provani à sapè frà altru s'è issu triplici umicidiu pudaria essa liatu à l'assassinii accaduti pocu fà nant'à u dipartimentu. Elementi novi forsa da quì à calchì ora.
Sur le même sujet
