Le Direct

Trente ans de réclusion criminelle avec une période de sûreté de vingt ans pour Ange-Toussaint Federici

(A redazzioni d'Alta Frequenza) - Trenta anni cù un periudu sicuru di vinti anni : hè a cundanna prununziata arisera (marti) da a corti d’appellu di Draguignan contr’à Ange Toussaint Federici, ghjudicatu ind’u quadru di l’inchiesta nant’à ciò chì omu chjama a « Tuerie des Marronniers ». L’avucatu ghjinirali avia dumandatu a vigilia pà contu soiu a perpetuità, cù vinti dui anni di modu sicuru, mentri chì a difesa avia avucatu da fà chì u so clienti sia libaru. A prima cundanna di nuvembri di u 2010 in Ecchisi hè dunqua crisciuta di dui anni in più. A difesa d’Ange Toussaint Federici hà annunziatu subbitu chì u so clienti andaria in cassazioni.