Trente ans après, quel bilan tirer de la catastrophe de Tchernobyl ?
(A redazzioni d'Alta Frequenza) - U 26 d’aprili di u 1986, u cori di u reattori numaru 4 di a cintrali di Tchernobyl in Unioni Suvietica fusiunava, inghjinnendu una splusioni chì avia da cuntaminà una bella parti di l’Auropa, è fà trà 9 000 è 90 000 morti sicondu parechji bilanci sfarenti più tardi. Asisti sempri oghji una zona larga di sclusioni inghjiru à a cintrali, chì pruibisci l’accessu ad ogni vita umana, fora di calchì centunaia di parsoni chì ani sceltu di vultà pà campacci di manera clandestina. In Francia, u nivulu, à u cuntrariu di ciò chì era statu dittu à l’epica in un bigliettinu meteurulogicu divintatu famosu, ùn s’hè micca piantatu à a fruntiera, è a Corsica hè stata particularmenti tocca da i cunsiquenzi. A cuntaminazioni di a tarra hè torna d’attualità oghji, è soprattuttu, parechji malatii liati à u passaghju di u nivulu sicondu parechji studii indipindenti sò stati sviluppati da a pupulazioni isulana, soprattuttu in campagna. Oghji, mentri chì u guvernu ùn hà ancu ricunnisciutu i cunsiquenzi di a catastrofa, a lotta cuntinueghja com’ella a ci spiega Fabienne Giovannini pà u cunsighju esecutivu di Corsica.
Steti à senta à Fabienne Giovannini.
