Trasferimentu pussibuli di l'Uffiziu Publicu di l'Alloghju 2A à a CAPA : u mughju di u STC
(Michaël Andreani - Alta Frequenza) - "Innò à u trasferimentu di l'Uffiziu Publicu di l'Alloghju di Corsica Suttana à a CAPA" ! Eccu u mughju ch'ellu lampa u STC, chì urganizava ssu luni da mani una cunfarenza di stampa in Aiacciu. In fatti, a Cumunità d'Agglumerazioni di u Paesi Aiaccinu, sustinuta da u Cunsighju dipartimintali di Corsica Suttana grazia à una deliberazioni di u 17 di lugliu scorsu, hà fattu in principiu d'istati una dumanda par essa riattaccata à l'uffiziu pumuntincu è dunqua uttena a cumpetenza "alloghju suciali" chì devi essa trasferita à u 1a di ghjinnaghju di u 2018 à a futura Cullittività di Corsica. Tuttu què mentri chì à l'avvena, i dui Uffizi Publichi di l'Alloghju di i dui dipartimenti pudariani divintà in fatti un Uffiziu tarrituriali solu. U sindicatu naziunalistu dinunzia quì un'uparazioni "clientelista" è una manifistazioni nova pà fà "fiascà" a Cullittività Unica.
Steti à senta à Jean Brignole, u secretariu naziunali di u STC.
Sur le même sujet
