Le Direct

Transports : Corsica Libera exige le maintien de la totalité de la ligne 4 de bus à Ajaccio

Via un cumunicatu, dici Corsica Libara ch’idd’hà vistu « l’incuarenzi in a gistioni lli trasporti publichi ch’iddi facini i dirigenti lla CAPA è a municipalità d’Aiacciu, chì ani dicisu, senza cuncirtazioni, di mudificà u traghjettu lla ligna 4 di i bus, chì passa pà u Budiccionu ».

U muvimentu hè impinsiritu chì à l’aienti, trà i quali parichji anziani , l’hà da tuccà à falà à a firmata llu ghjiratoghju di a Rocade, à francà, senza passaghju prutettu, una strada à quattru vii, è à abuchjà si una bedda cuddata pà vultà in casa soia.

Corsica Libara dumanda ch’idda sichi mantinuta issa ligna numaru 4, è ch’iddi sichini pruposti suluzioni da middurà i trasporti publichi in l’arghja aiaccina, ch’idda si faccia a finita cù i ritarda è l’attesi longhi à ugni firmata.

Par casu ch’idd’ùn ci ni sichi riazzioni pusitivi di a CAPA è di a sucità Muvistrada, Corsica Libara ni chjamarà à a mubilisazioni.