Le Direct

Trafic de drogue : deux personnes interpellées à Corte et Venaco

(A redazzioni d'Alta Frequenza) - Dui omi sò stati arristati oghji (marti) è arimani, ind'u centru di a Corsica, in Corti è Venacu, ind'u quadru di un'inchiesta nant'à u trafficu di droga. Ss'inchiesta hè rializata dipoi un certu tempu da i gendarmi, chì di ghjinnaghju scorsu, aviani scupartu, ind'un appartamentu, un veru laburatoriu. I gendarmi aviani trovu tandu armi è prudutti chì duviani fà crescia u numaru di prudutti pruibiti chì duviani essa vinduti. L'inchiesta hè andata più in furia quandu un omu, suppostu d'appartena à ssa reta, hè statu arristatu in Toulouse. Cunniscimu dunqua a seguita, cù l'arristazioni di dui omi ind'u centru di a Corsica ss'ultimi ori. Unu hè intesu in ssu mumentu ind'i lucali di u cumissariatu d'Aiacciu. Altri parsoni sò stati arristati in cuntinenti. A Ghjuridizzioni inter righjunali spicializata di Marseghja hè incaricata di u cartulari.