Toujours pas de tests obligatoires avant d'entrer en Corse : le coup de gueule des soignants
Ùn ci n’hè virifichi ublicatorii innanzi di ghjunghja in Corsica : dui ghjorna dopu à l’apartura lli vacanzi lli Santi, i duttori corsi n’ani una tichja, è a dicini.
I sciffri di u coronavirus mosciani chì a situazioni pighjurisci. Cù u flussu lli turisti, è cù quiddi chì voltani in famidda pà i vacanzi, ùn si n’aspetta tantu middurà, è ùn sarà cusì asattu u travaddu lli medichi.
Issi medichi, d’altrondi, dumandani à l’auturità di renda issi virifichi ublicatorii nanzi di ghjunghja in Corsica, chì i parsoni chì s’affaccani ind’è no’ venini pà u più da loca tocchi bè, ind’idda ci hè a caramagnola, cù cuntaminazioni alti à veru.
Una ghjunta sprupusitata di parsoni pusitivi hà da fà bambià u sistema di saluta. Eccu parch’iddi a lampani, issa chjama, tanti parsunala midicanti.
« L’usu lla mascara hè ublicatoriu, tocca avali à impona i virifichi innanzi à ugni dispiazzamentu ».
Stemu à senta u duttori Laurent Carlini, medicu giniralistu è urgintistu.
