Tomino : polémique autour d'un projet de reconversion de la tour génoise en meublé de tourisme
Goda si u pisà di u soli sciacchendu si un caffè in una camara chieta, appuddatu à a turri ghjinuvesa di Tuminu, in Capicorsu...
Sarà quissu u sonniu di certi, è u sunniacciu di tanti altri, ma chì pudaria ancu fà si veru : u prupriitariu di a cusì ditta turri hà trovu à venda la, è quiddu chì a cumpraria ni vurria fà un mubulatu di turismu.
Intesu iss’affari, u cunsigliu municipali di Tuminu è u so merri François Orlandi, anzianu prisidenti llu cunsigliu dipartimintali llu Cismonti, ani fattu senta di manera unanima ch’iddi erani upposti à issu prughjettu.
Ma senza pianu lucali d’urbanismu, sò beddi limitati i pussibilità d’azzioni di a cumuna.
Sabbatu matina à deci ori è mezu, Femu a Corsica hà da urganizà un’accolta davanti à issa turri ghjinuvesa, da dinuncià issu novu attaccu spiculativu contru à u patrimoniu corsu.
Steti à senta à François Martinetti, u sicritariu naziunali di Femu a Corsica.
