Thierry Casolasco nouveau Président de l'Associu Sulidarità
Duminica u 6 d’uttrovi, l’associu Sulidarità hà fattu a so assemblea ginirali in Corti. Unu scagnu novu hè statu elettu, è u prisidenti n’hè Thierry Casolasco, militanti di longu andà, anzianu prighjuneri puliticu cundannatu à 14 anni di prighjoni, è chì n’hà fattu deci. Rimpiazza à Katy Bartoli chì, parvia di raghjoni di saluta, s’impinsirisci oramai d’impegni menu grevi, è chì duventa idda sicritaria ginirali.
Si hè parlatu, mentri iss’assemblea, di l’uriintazioni ginirali di l’azzioni di l’associu. « U punteddu maiori n’hè u sustegnu direttu à i prighjuneri da una parti, è da l’altra un cumbattu ghjuridicu di fundu cù l’avucati. À l’avucati, li si dumandarà un travaddu spicificu, da truvà suluzioni cullittivi, è più unicamenti individuali, pà i prighjuneri è l’anziani prighjuneri.
Ancu sè un numaru lli prighjuneri cala, i bisogna ci sò sempri, è l’associu si primura di u dopu prighjunia : fijait, riinsirzioni suciali è prufiziunali, aiutu suldarinu ».
