Territoriales : une démarche à gauche pour proposer une alternative aux nationalistes
(A redazzioni d'Alta Frequenza) - Micca un cunclavu, ma un'alternativa pulitica cridibuli à a maghjurità attuali : eccu ciò ch'elli mettini in avanti parechji militanti di manca chì si sò ritrovi arisera (ghjovi) in Corti. Pierre Ghionga, François Tatti, Maria Guidicelli, Jean Zuccarelli, Paul Marie Bartoli frà altru volini purtà una dimarchja cumuna "nuvatrici", ma in u quadru strettu di a Republica. Una squadra plurali cù parechji diffarenzi chì si risentini, ma pà François Tatti, chì faci parti di a dimarchja, ci voli à circà prima di tuttu "ciò chì ci adunisci". Cuncirnendu i sughjetti di spiccanza, ghjunghjarà l'ora di un aggiornamento puliticu. Oghji, dici u capimachja di u MCD, ci voli à essa uniti à manca di pettu à l'unità di i naziunalisti è à a so brama d'autoditarminazioni. I tempi corti imposti da u calendariu eletturali dumandani, ancu di più, una prisintazioni di a dimarchja glubali eppo di l'omi è donni chì a purtarani da quì à a simana chì veni à u più tardi.
Steti à senta à François Tatti.
Sur le même sujet
