Territoriales : Pè a Corsica clarifie sa ligne et lance sa campagne
(A redazzioni d'Alta Frequenza) - Un Paese da Fà. Quattru parolli chì custituiscini un slogan, quillu di a campagna di i tarrituriali di Pè a Corsica, lanciata di manera ufficiali ssu vennari in Corti dopu à un'accelerazioni podassi ispirata da i pulemichi di ss'ultimi ghjorni inghjiru à l'autoditarminazioni è à l'indipindenza. È di modu assai chjaru, inde i deci punti di u fogliu di strada cumunu, nè l'autoditarminazioni, nè l'indipidenza sò prisenti in u prugramma à u minimu pà i deci anni chì venini, ma a cerca di un'autunumia forti è ricca, cù un puteri legislativu, rigulamentariu è fiscali. Una chjarificazioni chì s'assumiglia à un contra focu dopu à i sfarenti signali d'alarmi tirati à manca com'è à diritta ss'ultimi ghjorni. Pè a Corsica laca dinò a porta aparta à tutti quilli, inde u naziunalisimu, chì ùn si ritrovani micca inde l'andatura vulsuta da a lista d'unioni, pà pudè cuntrastà è scambià, ciò chì cuncerna par asempiu u Rinnovu è Soffiu Novu, cù i so capimachja Paul Félix Benedetti è Jean Baptiste Arena chì ani da fà una lista pà i tarrituriali.
Steti à senta à Gilles Simeoni, u presidenti di l'Esecutivu di Corsica chì sarà u numaru unu di a lista Pè a Corsica.
Sur le même sujet
