Territoriales : le Padduc, pomme de discorde entre nationalistes ?
(A redazzioni d'Alta Frequenza) - A campagna pà l'alizzioni tarrituriali di u 6 è di u 13 di dicembri hè lanciata pà parechji furmazioni pulitichi. Hè u casu di i naziunalisti di Corsica Libera chì, ramintemula, à l'uccasioni di i Ghjurnati Internaziunali di Corti, ani prisintatu i cinqui primi nomi di a lista in corsa da quì à menu di quattru mesi. Duranti ssa campagna, l'indipendentisti mittarani di sicuru in avanti u bilanciu di a mandatura chì si compii à l'Assemblea di Corsica. Cuufficialità di a lingua corsa, statutu di residenti, statutu fiscali dirugatoriu, scrizzioni di a Corsica nentru à a Custituzioni, riforma istituziunali, Corsica Libera avarà participatu largamenti à a custruzzioni di tutti ssi punti maestri. Altru cartulari di gran'primura è induv'ellu s'hè impignatu assai u partitu, u Padduc. Certi punti annant'à ssu sughjettu creani in ssu mumentu spiccanzi, par asempiu trà i dui cumpunenti di a famighja naziunalista. U Padduc, mutivu di divergenza duranti a campagna trà Femu a Corsica è Corsica Libera, chì pensani à un'unioni à u sicondu o à u terzu ghjiru di i tarrituriali ?
Steti à senta à Josepha Giacometti, cunsighjera tarrituriali Corsica Libera.
Sur le même sujet
