Territoriales : Laurent Marcangeli entre officiellement en campagne
Sabbatu, in Rezza, Laurent Marcangeli hà attaccatu a so campagna pà i tarrituriali.
U merri d’Aiacciu hà vulsutu unurà u paesu di i soi, è dì u so intaressu pà i paesa, chì campani oramai stundi beddi dilicati.
Ancu puri ùn prisintendu, par avali, a so lista, u prisidenti lla CAPA hà dittu ch’idda saria quidda di l’accolta.
Laurent Marcangeli hà insignatu l’idei maestri lla so andatura : l’avvena lla ghjuvantù, è un cambiamentu in u modu di guvirnà.
À issu ritrovu c’erani Jean-Martin Mondoloni è Valérie Bozzi (chì sò prisidenti lli dui gruppi à l’assemblea), u sinatori Jean-Jacques Panunzi, u diputatu Jean-Jacques Ferrara, ma ancu Camille de Rocca-Serra o José Rossi.
Ancu puri ch’idd’ùn ci sichini l’alizzioni di ghjunghju, dici Laurent Marcangeli ch’idd’hè ora d’avvià u dibattitu.