Territoriales : la réaction d'Emmanuelle de Gentili
(A redazzioni d'Alta Frequenza) - Paul, Gilles, José, Camille, Christophe, Jean-Guy ! Sò i sei nomi di i capi di i listi chì sarani prisenti à u sicondu ghjiru pà l'alizzioni tarrituriali. Ùn c'hè micca bisognu d'essa un spicialistu di a cosa pulitica pà dì ch'ellu si tratta ben intesu di Paul Giacobbi, Gilles Simeoni, José Rossi, Camille de Rocca Serra, Christophe Canioni è Jean-Guy Talamoni. In fatti, Paul Giacobbi hà racoltu à l'uccasioni di ssu primu ghjiru 18,42% di i voti, Gilles Simeoni 17,62%, José Rossi 13,17%, Camille de Rocca Serra 12,70%, Christophe Canioni 10,58% è Jean Guy Talamoni 7,72%. Ssi sei listi pudarani essa, cusì, prisenti à u sicondu ghjiru, ma ci duvariani essa fusioni. Un'antra lista, quilla di Dominique Bucchini, pudarà fà una fusioni dinò ella, parchì hà racoltu 5,56% di i voti. Tutti l'altri listi ùn toccani micca ssi famosi 5% è sò dunqua eliminati subbitu : Hyacinthe Santoni 1,12%, Paul Félix Benedetti 2,58%, Jean Zuccarelli 3,15%, Emmanuelle de Gentili 3,25% è infini Jean Charles Orsucci 4,13%, dunqua micca troppu luntanu. Cù 3,25% è 4 300 voti, Emmanuelle de Gentili ùn riesci micca dunqua à fà u risultatu ch'ella cuntava di fà à nomu di u PS in Corsica sana, è què in associu cù Jean Baptiste Luccioni, u merri di Pitrusedda. A prima aghjunta à u merri di Bastia duvarà sceglia dunqua in furia micca di raghjunghja un'antra lista, ma di purtà un appoghju à a lista di a so scelta.
Steti à senta à Emmanuelle de Gentili.
Sur le même sujet
