Territoriales : Jean-Martin Mondoloni a présenté sa liste
(A redazzioni d'Alta Frequenza) - Ssu marti in Corti, Jean Martin Mondoloni hà prisintatu i sissantadui nomi chì l'accumpagnarani nant'à a so Strada di l'Avvene. S'è Chantal Pedinielli, Xavier Lacombe, Marie Thérèse Mariotti erani dighjà privisti pà i trè posti chì suvitani, si rimarca a prisenza di Francis Giudici, vultatu dopu un viaghju longu à manca è in macrunia inde a so famighja pulitica d'urighjina, à u novesimu postu, a cunfirmazioni di Camille de Rocca Serra settesimu, o ancu di Charles Voglimacci, aghjuntu di Laurent Marcangeli in a merria d'Aiacciu è presidenti di u SDIS 2A à u tredicesimu postu. Una lista cù dinò una decina di studianti, di sicuru nant'à posti micca in capacità d'essa eletti, è chì pò essa fiera di u sustegnu di parsunalità com'è Dumè Colonna è u prufissori Laurent Lantieri, chì sò nant'à i dui ultimi posti maschili di a lista. Ci vultaremi ind'i nostri edizioni di ghjovi cù Jean Martin Mondoloni.
