Le Direct

Territoriales : Jean-Christophe Angelini a présenté sa liste, Avanzemu

Sabbatu dopu meziornu, Jean-Christophe Angelini prisenta a so lista pà i tarrituriali llu 20 è 27 di ghjunghju, una lista chjamata « Avanzemu ».

À torru à u capifila llu PNC, ci si trovani l’eletti aghjà prisenti à l’Assemblea :
Saveriu Luciani, cunsiglieri esecutivu in carica lla lingua è di l’Uffiziu d’Echippamentu Idrolicu lla Corsica (3), Pierre Poli u prisidenti llu gruppu (5), Jean-François Casalta (9) cunsiglieri municipali d’uppusizioni in Aiacciu, Julia Tiberi (6), Mattea Casalta (18) è Vannina Borromei (2) prisidenti di l’Uffiziu lli Trasporti.

Vanina le Bomin, naziunalista di sempri, si hè mossa cù a squadra di « Avanzemu ». Sò prisenti dinò Jérôme Negroni è Jean-Pierre Antonelli.

Ma Jean-Christophe Angelini hà dittu ch’iddu apraria a so lista, arrimbendu si à un prughjettu di sucità in 100 punti.

Cusì, u merri di Sartè Paul Quilichini (23) è Tony Poli, anzianu culistieri di Jean-Charles Orsucci ani sceltu di participà ci ancu iddi.

U mondu culturali hè riprisintatu, trà altri, da Anghjula Potentini (26) è Pierre Gambini (35).

In chjuditura lla lista, Paul-André Colombani hè 59esimu, Christian Leca 61esimu, Marie-Jeanne Papi hè 62esima è Paul Scaglia 63esimu.

Prisintendu un bilanciu fattu à fiaschi ma ancu à vittorii, u prisidenti di l’ADEC è merri di Portivechju voli, cù i soi, cambià i cosi à veru.

Stemu a senta a Jean-Christophe Angelini