Le Direct

Territoriales : Forza Nova lance sa campagne avec Jean-Antoine Giacomi comme tête de liste

Sabbatu, Forza Nova, chì si voli suvranistu, hà attaccatu a so campagna pà i tarrituriali.

L’affari si hè fattu in Prunu : sò i loca di u capilista Jean-Antoine Giacomi (24 anni) è di u so babbu Charles Giacomi, chì hè merri d’issa cumuna, è ch’era capilista di u « Rassemblement Bleu Marine » in u 2017. Sta volta, sarà iddu à chjuda a lista.

Alexandra Mainetti, anziana candidata RN à l’alizzioni aurupeani, Paul Zevaco, anzianu di u Cumitatu Cintrali Bunapartistu, o ancu Frédérique Federici, anziana di i « Ghjilecchi giaddi », sarani à torru ad iddi.

Puri ch’iddu parli, u so prugrama, di crisa civilisaziunali, d’islamisazioni, o ch’iddu pruponga d’ùn dà ni suvvinzioni à l’associ ditti « imigraziunisti », Forza Nova ricusa d’essa qualificatu di partitu di strema dritta.

À liveddu lucali, u muvimentu pruponi a valurisazioni termica lli rumenzuli, è un rifarendu d’iniziativa lucali par ciò chì tocca à l’autunumia lla Corsica.

In quant’à un’avvicinera cù u Rassemblement National, dici Jean-Antoine Giacomi ch’iddu hà ricusatu una pruposta di François Filoni, dindu chì u capilista RN à i tarrituriali hè beddu cambiarinu, puliticamenti

Steti à senta à Jean-Antoine Giacomi.