Territoriales : Corsica Libera dénonce l'attitude de Femu a Corsica et annonce être candidat avec sa propre liste
Dubiti ùn ci n’era tantu, oramai hè ufficiali : Corsica Libara, à i tarrituriali, ci andarà da par idda.
Via un cumunicatu, u partitu si ni pidda à Femu a Corsica, chì « circà u neci par sfrancà si la è rimetta a colpa à dossu à l’altri ».
« Davanti à u Populu Corsu, ripitimu chì nienti, chì nimu, ancu ghjuvendu si di a bucia, ùn ci pudarà fà purtà a rispunsabilità di issa disunioni, chì i soli rispunsevuli ni sò i capimachja di Femu a Corsica. Tocca à iddi d’avè u curaghju d’assuma una situazioni praghjudizievuli, chì faci bambià i spiranzi nati da l’unioni è l’avvena puliticu lla Corsica ».
« Par contu nosciu, cunvinti chì u post naziunalismu hè un anacrunismu piriculosu, cuntinuvaremu à luttà, da pudè lu fà infini stu paesu, da permetta à u nosciu Populu di campà degnu è libaru à nantu à a so tarra. Hè cù issa ditarminazioni, quidda chì ci porta chì sò anni è anni, chì Corsica Libara viaghjarà sola à l’alizzioni tarrituriali ».
