Le Direct

Tentative d'assassinat sur Yves Manunta à Ajaccio : sa femme et sa fille blessées

Tentative d'assassinat sur Yves Manunta à Ajaccio : sa femme et sa filles blessées

(A redazzioni d'Alta Frequenza) - Dopu à l'assassinii di Fayçal Abbakouy, in Prupià, è d'Ange Petrucci, in Castagniccia, una prova d’assassiniu s’hè sciolta arisera in Aiacciu (marti), quartieri Balestrinu (Corsica Suttana). Era à l’attinzioni di Yves Manunta, chì vultava in casa soia. À menu dui agressori, sicondu à u ministeru publicu, aspittavani iss’ultimu, chì vultava ind’è ellu cù a so moghja è a so fighjola di deci anni. Dopu, a situazioni diventa di più cunfusa. Ciò ch’hè sicura, hè chì a moghja d’Yves Manunta è a so fighjola sò stati feriti da sparati. A zitella à u bracciu, a mamma à l’anca. U prunosticu vitali ùn hè micca ingaghjatu malgradu tuttu, nè pà l’una nè pà l’altra. Yves Manunta suffria ellu di a cavighja. I circustanzi di issa prova d’assassiniu fermani assai cunfusi par avà. Si sà solu chì una vittura, chì pudaria essa quilla di i tiradori, hè stata ritrova calcinata ind’u quartieri di u Bois des Anglais. Pà u restu, l’ori chì venini duvariani schjariscia ci nant’à u sfilà di issa sirata. Ci hè stata risposta ? Yves Manunta hà vistu i tiradori ? L’inchiestadori fermani assai discreti nant’à ciò ch’hè accadutu. U ministeru publicu, sizzioni Aiacciu, pudaria inveci essa cacciatu, à u prufitu di a JIRS di Marseghja.