Tentative d'assassinat à Olmiccia ?
(A redazzioni d'Alta Frequenza) - I succorsi pinsavani à un simplici accidenti nant'à a strada, pudaria essa in fatti una prova d'assassiniu, in Ulmiccia (Corsica Suttana). Un omu di 65 anni, Jean Pierre Poudevigne, pudaria essa statu toccu da un o parechji tiradori mentri ch'ellu cunducia a so vittura, ind'a sirata di a dumenica 14 di lugliu. O forsa ch'ellu s'hè feritu da par ellu ? A vittima, ferita, hè stata presa in carica da i succorsi. Tocca à i ghjambi, ss'ultima hè stata traspurtata à l'uspidali di a Miséricorde in Aiacciu. I gendarmi, chì pinsavani dunqua prima à un simplici accidenti di a circulazioni, ani scupartu dopu dugli ind'a vittura di a vittima, dimustrendu forsa chì si pudaria trattà di una prova d'assassiniu. L'omu saria cunnisciutu da i servizi di pulizza. Era statu cundannatu frà altru à 16 anni di prighjoni pà arrubecciu armatu. Parquisizioni sò stati rializati in casa soia arimani (luni). L'inchiestadori aspettani oramai di pudè intarrugà u feritu pà sapè ni di più nant'à i circustanzi di i fatti.
Sur le même sujet
