Tensions autour du projet de piétonisation du vieux port de Bastia
In fin’di sittimana passata, a municipalità di Bastia hà prisintatu à i risidenti è cumircianti u so prughjettu da ch’iddu sichi pidunali u Vechju Portu. Cusì, u staziunamentu dittu Pouillon pudaria essa rimpiazzatu da una spianata, un piazzali.
U prughjettu, ch’ùn hè ancu validatu, faci parlà quantunca.
I dibattiti, d’altrondi, sò ancu stati infiarati trà u merri è u publicu. Si hè fattu un cullittivu, è hà fattu sapè sabbatu ch’iddu ùn era d’accunsentu cù u prughjettu prupostu.
In quant’à i navigatori amatori, ùn li cunveni tantu l’idea lli vitturetti missi à dispusizioni di matinata, da carrià a robba trà un staziunamentu d’appoghju è u Vechju Portu. À senta li, u quartieri pudaria perda a so anima, chì u Vechju Portu risica di veda sparì l’ultimi piscadori.
Steti à senta à Jean Malpelli, u Prisidenti di l’Associu di i Navigatori Amatori llu Vechju Portu.
Pà i risidenti, i suluzioni di staziunamentu, ch’iddi sichini versu a gara o versu a caserna lli spinghjifochi, sò à veru arasii !
Temini iddi ch’idda sichi difficiuli à veru di campà in u quartieri, è chì l’abitanti ùn sichini custretti à mova si ni in altrù, lachendu a piazza à l’affittu à pighjoni pà u turismu.
Steti à senta à Angèle, chì stà in u quartieri.
Sur le même sujet
