Le Direct

Tempête Adrian : Premier bilan de la Préfecture de Corse et lance un appel à la prudence face à la houle

(A Ridazzioni d'Alta Frequenza) - Eccu un primu bilanciu d’issa passata timpuralesca in Corsica. Par ciò chì tocca à u ventu, eccu ciò ch’idda hà nutatu a prifittura :

- 190 chm à l’ora in Bonifaziu

- 164 in Evisa

- 120 in Aiacciu, à l’aeruportu

- 200 chm à l’ora è ancu di più pà issi sarri è cimi

Pricisa dinò a prifittura chì vittimi, ancu di grazia, ùn ci n’hè statu, ma ventu è marittonu ani fattu danni matiriali à veru.
180 parsoni sò stati bluccati à l’aeruportu d’Aiacciu. Sò stati presi in carica chì u so volu hè statu annulatu. Dui campeghji, in Vicu è Calcatoghju, sò stati viutati par sicurità (270 parsoni cuncirnati).
U centru uparaziunali dipartimintali hè sempri attivu in prifittura, sinu à marti in meza ghjurnata à u minimu.