Sulidarità dénonce des manipulations opérées par l'État et réclame la libération de Charles Pieri et de tous les prisonniers politiques
Sabbatu in Aiacciu, l’associu Sulidarità facia una cunfarenza di stampa, in sustegnu à i militanti vittimi di a riprissioni.
« Un mesi fà, Corsica Libara era tocca da un focu riprissivu di quiddi, ch’ùn si n’era vistu chì sò anni è anni », pricisa Sulidarità.
L’associu hè turratu à parlà di l’intarpillazioni è di i parolli di gérald darmanin, chì dani a misura « d’una pessima malavia di u guvernu francesu, chì circa à metta à paru u muvimentu naziunali è i sgaiuffi, da fà strada à manipulazioni di statu ».
« U 28 di dicembri, un articulu di u « Canard Enchaîné » circaia à impignà militanti nosci in malfatti di drittu cumunu contru à risturanti, unu d’issi stabilimenti issendu quiddu llu fiddolu di Gilles Simeoni, ma quissa ùn hè mancu stampa vera », dici Sulidarità.
Parichji militanti, è trà iddi un ghjovanu di 18 anni, sò stati missi in asaminu. Carulu Pieri hè statu incarciaratu in l’una di i più pessimi prighjoni francesi : cù a so saluta è a so età, saria bastatu un cuntrollu ghjudiziariu ».
Sulidarità dumanda a libarazioni, subitu, di Carulu Pieri è a fini di a caccia mossa, fatta à mutivu di criminalizà u fattu d’essa indipindintistu ».
In l’edizioni à vena, sintareti a intarvista di Thierry Casolasco.
