STC et élections dans les TPE : mise au point du syndicat nationaliste
(A redazzioni d'Alta Frequenza) - A Corti di Cassazioni hà resu u 12 di dicembri un arrestu difinitivu cuncirnendu a candidatura à l'alizzioni inde l'intrapresi assai chjuchi di u STC. Ramintemi chì ss'alizzioni t'hà com'è scopu di ditarminà a raprisintatività di i sindicati, u numaru di i so raprisintanti ind'i futuru cumissioni paritarii regiunali interprufiziunali, eppo u numaru di ghjudici prudumali attribuiti ad ogni sindicatu. Ci arricurdemi di i ricorsi fatti da i cintrali sindicali maiò, CGT, FO, CFDT, CFTC è CGC, par impidiscia u STC di prisintassi à ss'alizzioni, à u mutivu chì quissu quì ùn rispitarria micca i valori republicani. A rivindicazioni di cursisazioni di l'impieghi, ci n'arricurdemi, era stata prisintata da ssi sindicati com'è una discriminazioni ver di l'impiegati ghjunghjendu d'altrò. Dopu à parechji azzioni in ghjustizia è parechji ricorsi, a Corti di Cassazioni l'hà fatta finita dunqua cù ssa seria ghjuridica è sindicali.
Ma attenti, ss'arrestu di a Corti di Cassazioni piatta di sicuru un risicu impurtanti, com'ellu a ci dici Etienne Santucci pà u STC.
Sur le même sujet
