Stade Armand-Cesari : un chantier important pour la Corse et pour les supporters du SC Bastia
Si sà oramai ciò ch’iddu sarà u stadiu Armand Cesari rinuvatu. Marcuri, dopu à a dicisioni llu ghjuratu, a Cumunità d’Agglumirazioni Bastiaccia hà attribuitu u prughjettu à u cabinettu A+Architecture, arrimbatu supr’à locu à u cabinettu D+ Architecture di Georges Dion-Delobre.
U costu lli travadda -12 miliona – hà da essa finanzatu da a CAB, a Cullittività di Corsica è u PTIC. Issi travadda ani da attaccà in principiu llu 2024, par compia si à a fini llu 2025. Piazzi, ci ni sarà sempri 16 100, ma hà da cambià à veru u stadiu.
Pà l’esecutivu lla Corsica, sò à veru impurtanti issi travadda : ci hè ben’intesa a mimoria llu straghju di trent’anni fà, ma si tratta supr’à tuttu chivi di a struttura pà i spittaculi a più maiori di Corsica.
Steti à senta à Gilles Simeoni, u prisidenti di l’esecutivu.
I sustinitori, ancu puri ch’iddi si rallegrini di u mudillettu prupostu è di a cunfigurazioni nova lla tribuna Petrignani, aspettani quantunca di veda rializà si à veru u prughjettu. In u tempu privistu, è senza cumprumissi.
Steti à senta à Alex Negroni, unu di i Socios, chì hà participatu à a cuncirtazioni fatta capunanzi.
Sur le même sujet
