Situation des hôpitaux d'Ajaccio et Bastia : mise au point de Gilles Simeoni
(A redazzioni d'Alta Frequenza) - Gilles Simeoni aspetta risposti da a parti di u Statu nant’à u cartulari di a saluta in Corsica. In un cumunicatu, u presidenti di l’Esecutivu volta nant’à u raportu annuali di a Corti di i Conti cuncirnendu frà altru u debbitu di l’uspidali d’Aiacciu è di Bastia. « Ss’analisi si scorda eppuru di un elementu essenziali : u squilibriu finanziariu di l’uspidali di l’isula hè dinò a cunsiquenza di u mudellu naziunali di finanziamentu di i stabilimenti di saluta, chì s’arremba à una rimunerazioni liata soprattuttu à l’attività rializata. Tandu, ssu mudellu faci pata propiu a luntananza geugraffica è a dibbulezza di a pupulazioni, chì sò dui caratteristichi di primura di a Corsica », dici Gilles Simeoni. L’elettu priciseghja ch’ellu hà dumandatu di farraghju scorsu à a ministra di a Saluta « di pighjà in contu i prublemi liati à l’insularità, fendu valè frà altru u cuefficenti geugrafficu d’8% in Corsica, mentri ch’ellu hè di 26% in Guiana, Martinica, Guadaluppa è 31% in a Riunioni ». Un gruppu di travaghju hè statu dunqua missu in ballu è u presidenti di l’Esecutivu aspetta dunqua dicisioni di u Statu.
Steti à senta à Gilles Simeoni.
Sur le même sujet
