Signature de la DSP maritime: sommes-nous tranquilles pour les dix ans à venir?
(A redazzioni d'Alta Frequenza) - Eccu hè fatta! È s'hè insistutu stamani (marti) nant'à u carattaru storicu di l'evenimentu. In tutti i casi, tuttu u mondu era cuntentu ind'a famosa "sala 2" di u Grand Hôtel trà u prifettu di Corsica, i raprisintanti di i cumpagnii scelti è i rispunsevuli i più alti di a cullettività di Corsica. Senza vulè ripassà un filmu chì s'hè fattu in parechji pezzi, ci voli à rammintà quantunqua calchì elementu di primura. A nova ufferta ritinuta - quilla di a SNCM è di a Méridionale - sarà in ballu pà 10 anni; 410 000 passaghjeri pudarani essa traspurtati ogni annu, vali à dì 34 000 ogni mesi. Pà i marcanzii, sarani più di 133 000 metri linearii chì sarani ufferti ogni mesi è ci sarani 23 viaghji à ghjornu. Pà fà la simplici, si pudarà dì chì ci sarà un battellu setti ghjorni nant'à setti in Bastia è in Aiacciu ind'i dui sensi è trè ghjorni nant'à setti pà i porti di Purtivechju, Prupià è a Balagna. Si pò aghjustà chì u dirittu di greva sarà inquadratu da parechji reguli, o in tutti i casi chì quissu quì sarà fattu cù seriu in più è chì ssu novu serviziu publicu custarà 96 millioni d'auri in media à l'annu duranti 10 anni. Allora, semi tranquilli pà ssi 10 anni? Dumanda simplici, risposta cumpletta di Paul Marie Bartoli.
Écoutez le président de l'office des transports.
