Signature d'un partenariat entre l'ADMR 2A et la Ligue contre le Cancer 2A pour les patients du Taravu-Sartenais-Valincu
A Liga contru à u cancaru è l’ADMR llu Pumonti ani signatu luni una cullaburazioni chì hà da permetta à i malati di u Taravu, di u Sartinesu è di u Vaddincu d’essa suvitati in i so trattamenta, vicinu à i so loca.
A fidirazioni ADMR hà da metta à dispusizioni lla Liga i so lucala, è piddarà in carica a circulazioni bona di i infurmazioni.
Eccu chivi una missioni di primura, pà issu sirviziu di vicinanza, prisenti in ugni parti llu tarritoriu.
Steti à senta à André Quastana, u prisidenti di l’ADMR llu Pumonti.
A cumunità di i cumuni è i municipalità si sò impignati bè in u prughjettu. L’eletti, à issu liveddu, sò in vicinanza vera cù i malati è i so famiddi. Issu sirviziu novu pirmittarà d’aiutà li quant’iddu si pò.
Steti à senta à Jacques Nicolai, u merri di Pitretu è Bicchisgià, è riprisintenti lla cumunità di i cumuni.
Pà a Liga contru à u cancaru llu Pumonti, issa cullaburazioni hè impurtanti à veru, da purtà u benistà è l’accumpagnamentu à i malati in trattamentu, o à quiddi chì sò par guariscia.
Ùn ci voli à lacà à nimu solu appettu à issa malatia, è anticipà l’attesi. Eccu a vuluntà lla Liga.
Steti à senta à Sauveur Merlinghi, u prisidenti lla Liga llu Pumonti.
Sur le même sujet
