Sénatoriales : Jean-Simon Savelli candidat en Haute-Corse
Dopu à Paulu Santu Parigi à nomu di Femu a Corsica, à Simon Venturini u merri d’Alzi, è à Anthony Alessandrini u merri d’Antisanti, eccu una quarta parsona chì s’avvia pà i sinaturiali in Cismonti.
Si tratta chivi di Jean-Simon Savelli, u prisidenti lla Liga Corsa di u Rugby, è anzianu dirittori di cabinettu di Jean-Joseph Allegrini-Simonetti in Lisula.
Jean-Simon Savelli, ben’ch’iddu sichi piuttostu libarali, dici ch’iddu « a si voli sfrancà di l’appartinenzi tradiziunali » è « ch’iddi sò aghjà beddi numarosi, l’alittori à sustena lu ».
U so prughjettu « s’arremba à un’idea maestra, chì circa à dà cuirenza è cuisioni à u nosciu dipartimentu : fà spuntà a sulidarità nicissaria trà u mondu citadinu è u mondu paisanu, chì devini fà da soci. Ci voli à ripinsà mari è muntagna di manera armuniosa » dici Jean-Simon Savelli.
Sur le même sujet
