Sénatoriales en Haute-Corse : Philippe Peretti (PS) veut porter les valeurs de gauche
Pà l’alizzioni sinaturiali di duminica, a scelta ci hè, in Cismonti. I candidati sò cinqui, à vulè piddà u seguitu di Joseph Castelli, tandu elettu di manca : Paulu-Santu Parigi à nomu di Femu a Corsica ; Jean-Marie Seité sustinutu da « Les Républicains » di Cismonti è da « Pà l’Avvena » ; Jean-Simon Savelli, altru candidatu di dritta ; Simon Venturini, naziunalistu, è infini Philippe Peretti pà u Partitu Sucialistu.
Quissu chivi hè u solu candidatu d’una manca unita pocu è micca, è voli rimetta iss’alizzioni à u liveddu naziunali chì hè soiu. Hè par quissa chì, ben’ch’iddu sichi di a maiurità municipali di Bastia, hà sceltu di purtà ci i culori di u so partitu, u Partitu Sucialistu. Par casu ch’iddu sichi elettu, difindarà a tempu a so visioni lla Corsica è i valori sucialisti.
Stemu à senta à Philippe Peretti.
