Sénatoriales : cinq candidats en Haute-Corse et un opposant inattendu face à Jean-Jacques Panunzi en Corse-du-Sud
Sò chjusi da arisera i candidaturi pà i sinaturiali.
In Cismonti, sò cinqui i candidati chì circarani à piddà a piazza lacata da Joseph Castelli.
U favuritu saria Paulu Santu Parigi, u merri di Santa Lucia di u Mercoriu, u candidatu di Femu a Corsica.
L’altri candidati sò :
- Simon Venturini, u merri d’Alzi, naziunalistu ancu iddu.
- Philippe Peretti, aghjuntu à u merri di Bastia, riprisintenti llu Partitu Sucialistu.
- Jean-Marie Seité, u merri di Galeria, hè sustinutu da « Les Républicains » è da « Pà l’Avvena ».
Infini Jean-Simon Savelli, u prisidenti lla Liga Corsa di Rugby è dirittori di cabinettu llu merri di Lisula, si prisenta da par iddu.
In Pumonti, si pinsaia chì Jean-Jacques Panunzi ùn avaria cuncurrenza, ma si hè affaccata a candidatura di Jean-Hugues Robert, dittu « Baron Mariani ».
Impignatu ad avali in u muvimentu « A Voci di a Natura Corsa », di Jean-François Baccarelli, si prisenta in Pumonti chì in Cismonti, n’hè statu impiditu parvia d’un pinseri di rimpiazzanti.
Si vutarà pà i sinaturiali u 27 di sittembri.
Sur le même sujet
