Ségur de la Santé : Jean-Guy Talamoni propose que la compétence santé revienne à la Collectivité de Corse
Sò trè sittimani chì u guvernu francesu hà apartu u cusì dittu « Ségur di a Saluta » à i cuntribuzioni di varii attori, trà i quali i riprisintanti pulitichi.
Tandu, Jean-Guy Talamoni, u prisidenti di l'Assemblea lla Corsica, n’hà mandatu una di 36 pagini. Tinindu contu lla crisa llu COVID-19 chì hà missu in risaltu i manacanzi llu sistemu di saluta in Corsica, hà fattu setti pruposti.
Trà issi misuri, a più forti hè quidda chì dumanda u trasfirimentu lli cumpitenzi pà a saluta à a Cullittività di Corsica. Issa dumanda, a spieca cù i mancanzi llu funziunamentu attuali, masimu quand’iddu si fighjola u scartu ch’idda t’hà l’ARS cù a rialità llu tarrenu.
Steti à senta à Jean-Guy Talamoni.
Altra pruposta impurtanti, a dumanda d’un centru uspitalieri righjunali è univirsitariu. A Corsica ferma a sola righjoni à ùn avè una struttura cumpagna.
Par François Benedetti, elettu Corsica Libara, ma supr’à tuttu medicu, hè una nicissità par a Corsica di binifizià d’iss’evuluzioni, masimu chì certi spicialità mancani in i spidala.
Steti à senta à François Benedetti.
