Le Direct

Ségolène Royal en visite en Corse pour deux jours

(A redazzioni d'Alta Frequenza) - Ségolène Royal, a ministra di l’Eculugia, di u Sviluppu durevuli è di l’Energia hè in Corsica pà dui ghjorni. In u prugramma di a so visita, c’hè una riunioni di travaghju annant’à a legi di Transizioni Energetica è a prugrammazioni pluriannuali di l’energia in a Cullittività Tarrituriali di Corsica in Aiacciu. Stallarà dopu u cumitatu di direzzioni di u situ UNESCO di u golfu di Portu è di a riserva di Scandula in Piana. Ségolène Royal visitarà dumani un tarrenu di pruduzzioni di vinu bio in u situ classificatu di a Conca d’Oru, cù viticultori di l’AOC Patrimoniu. Infini, andarà in Capicorsu pà scambii cù l’attori lucali annant’à a securità di u canali marittimu contr’à i risichi di pulluzioni trà a Corsica è l’Italia è annant’à u Parcu naturali marianu di Capicorsu.