Secours en montagne sur le GR 20
(A redazzioni d'Alta Frequenza) - Intarvinzioni in muntagna pà u PGHM è i spinghjifochi di Corsica Suprana stanotti (marti à marcuri) à u nivellu di u rifughju di Carozzu, vicinu à Calinzana nant'à u GR 20. Un omu chì spassighjava hà chjamatu i succorsi versu 10 ori di sera, presu di una mancanza cardiaca. In tuttu, sò 11 omi chì sò andati sopralocu da pighjà a vittima in carica. Un'uparazioni longa chì hà duratu tutta a nuttata, di pettu à cundizioni meteurulogichi pessimi. L'omu, di u quali a situazioni ùn hè tantu gravi, hè statu purtatu quantunqua fin'è l'Antenna Medicali di Calvi cù un elicotteru, duva quissu quì firmarà in usservazioni.
