Sécheresse : des mesures prises en Balagne et en Plaine Orientale
(A redazzioni d'Alta Frequenza) - Ùn aspittà d'essa in una situazioni assai gattiva pà pudè pighjà misuri. Eccu a brama di a prifittura di Corsica Suprana chì, in accordu cù l'Uffiziu Idrolicu è parechji altri intarvinanti, hà presu a dicisioni d'appiecà restrizzioni d'acqua in Balagna è in Piaghja Urientali par via d'una cunsumazioni troppu impurtanti, è d'una mancanza d'acquati putenti dipoi ss'ultimi simani. Di fatti, da 10 ori di mani fin'è 6 ori di sera, l'usi chì ùn sò micca liati à un'attivittà cummirciali com'è u fattu d'annacquà i pratulini, di lavà i vitturi fora di i centri spicializati, i tarrazzi è i battelli, ma dinò, inde l'agricultura, d'annacquà u furraghju cù aspersioni, à mezu à parechji altri usi, sò pruibiti. Malgradu tuttu, ùn si tratta micca d'una situazioni di crisa, ancu s'è misuri simuli sò nicissarii oghji pà pudè assicurà cù tranquillità a risorza in acqua pà a statina, ancu s'è i matrali sò pieni in media à 86%.
Steti à senta à Saveriu Luciani, u presidenti di l'Uffiziu d'Ecchippamentu Idrolicu di a Corsica.
Sur le même sujet
