Sauvons les langues régionales avec Michel FELTIN-PALAS ce mercredi à Corte
In lu quadru di u ciculu di siminarii « Pulitichi linguistichi è educativi, da i lingui minurati à u corsu : scumissi è pirspittivi », missu suttu à a rispunsabilità di Romain Colonna, a cunfarenza chjamata « Sauvons les Langues Régionales » hà da essa animata marcuri da Michel Feltin-Palas, capiridattori à l’Express, chì cusì si chjama u so libru.
L’omu ci porghji un sgardu è una riflissioni franchi d’ugni cumplessu è ducumintati, cù l’ambizioni di fà chì a francia s’appaci cù a so diversità.
Chì par avali, a francia ùn lenta nudda d’una spartera ghjusta di u so spaziu linguisticu. È quissa hè un piccatu, dici u scrittori.
Mintuvendu parichji esempii, u ghjurnalistu sbuciardighja l’argumenti d’unu statu chì ùn pidda contu mancu stampa di i rialità llu tarrenu.
Steti à senta à Michel Feltin-Palas.
Ben’intesa, Romain Colonna sparti issa manera di veda i cosi : u maestru di cunfarenza, abilitatu à dirighja i ricirchi, ùn la pò accittà di veda a lingua corsa passà in sicondu pianu.
Arrimbendu si ancu à l’ultima dicisioni di u Tribunali Amminsitrativu di Bastia, liata à u rigulamentu internu lla Cullittività di Corsica, dici Romain Colonna ch’idda hè ora à veru d’agì, da dà un veru statutu à a lingua corsa.
Steti lu à senta
Sur le même sujet
