Sartène : Rassemblement d'un collectif des résidents pour demander des précisions sur les modalités de piétonisation
Natu ch’hè pocu, un cullittivu d’abitanti di Sartè dumanda spiicazioni chjari è pricisi, par ciò chì tocca à u prughjettu purtatu da a cumuna è a CdC da fà lu pidenti, u cor’di a cità.
À l’urigina, l’abitanti di Sant’Anna ani fattu cunnoscia in mirria u so pinseri pà l’accissibilità di u quartieri, è pà a missa in anda di i travadda da rumpa i scali Antoine Loi, senza auturisazioni d’urbanismu in un situ classificatu è scrittu.
Ma spieca u Cullittivu ch’idd’ùn si tratta, par iddu, d’essa un’accolta contru à u prughjettu di u spaziu pidenti.
Si tratta di a vulintà d’avè un prughjettu urganizatu, unu spaziu pidenti pinsatu, cù guaranzia di sicurità par l’usuaghji, cù i piazzi di staziunamentu nicissarii è cù un sensu di circulazioni beddu difinitu, è ancu parchì micca sicondu i staghjoni. Par avali, i dui riunioni cù a dirizzioni municipali ùn sò sbuccati à nudda.
Tandu, l’abitanti ni chjamani à un’accolta sabbatu à undici ori è mezu, in Piazza Porta.
Steti à senta à Vannina Mallaroni, una di i portaparolla di u cullittivu.
