Salon de l'Agriculture : zoom sur le restaurant de la Corse
(A redazzioni d'Alta Frequenza) - U risturanti di a Corsica, hè cusì ch'ellu hè statu chjamatu u risturanti dittu pedagogicu, nant'à u stand ufficiali di a Corsica à u salonu di l'agricultura di Parighji. Bellu successu pà issu stabilimentu chì hà vistu a so fraquintazioni crescia di 38% di pettu à annu; più di 400 ripasti sò stati sirvuti ogni ghjornu è què duranti tuttu u tempu di u salonu, vali à dì una dicina di ghjorni. Missu in ballu da l'AFPA cù u sustegnu forti di a Cullettività di Corsica, issu risturanti hà missu in risaltu u fattu chì a cucina corsa, chì s'arremba solu nant'à prudutti lucali, marchja bè è u publicu ni voli dinò. A gastrunumia à u serviziu di i prudutti di a tarra è l'affari à l'arringuerciu vali dinò, hè a bona prova rializata da l'AFPA com'è a ci dici François Cipriani, direttori di u centru AFPA di Corti.
Ecoutez-le.
