Sale corse retourne dans ta jungle : la colère d'u Riacquistu di Portivechju
(A ridazzioni d'Alta Frequenza) - U Riacquistu di Portivechju dinuncia, in un cumunicatu « paroli anti-corsi contru à una parsona anziana, in una struttura midicali lla cumuna » è dici ch’una « prima lagnanza hè stata sposta in cindarmaria ». À senta à u Riacquistu, « una minnanna d’una vechja famidda lli loca, è ch’avia fattu un bilanciu di saluta in urgenza, hè stata trattata d’una manera chì sdici cù ciò ch’idd’hè in drittu d’aspittà una parsona in una struttura midicali ». U Riacquistu dinuncia, in particulari, un duttori urgintistu « chì si hè imparullatu cù una impiicata llu laburatoriu, parlendu li cù disprezuu à tè è à tò, cù parolli chjaramenti mascisti è anti-corsi ». Avaria dittu u duttori « sale corse » è « retourne dans ta jungle ». Ùn si pò accittà un’attitudina cumpagna, dici u Riacquistu, chì dumanda à a struttura midicali di piddà i dicisioni chì cunvenini à issa situazioni. Ramenta, u Riacquistu di Portivechju, chì cumunità di drittu in tarra corsa, ùn ci n’hè chè una : u populu corsu. In chjudenda, dici u muvimentu ch’idd’ùn hà da tullarà mancu stampa iss’attitudini razzisti.
Sur le même sujet
