Le Direct

Rugby : Montpellier, champion de France, affronte Lyon, vainqueur du Challenge Européen, ce vendredi au stade Armand-Cesari

Com’è ad ugni istati, u rugby s’affacca à u stadiu Armand Cesari : issu vennari à ott’ori, ci hà da essa un macciu amicali di u Top14.

I ghjucadori di Montpellier, soci di a Liga Corsa è campion’di francia, s’ani da pittughjà à u Lou, a squadra liunesa, chì hà vintu u Challenge Aurupeanu.

À issu publicu corsu ch’ùn hè tantu avvizzu, di regula, à fighjulà un ballonu altru chè tondulu, li sarani prisintati in Furiani issa cuppa aurupeana è u scudu dittu di Brennus. Si spera ch’iddu sichi capaci, issu publicu, à renda umaghju à Guilhem Guirado, anzianu capitanu di a squadra di francia, chì hà da piddà a so ritirata.

Jean-Simon Savelli, u prisidenti lla Liga Corsa, hè fieru ch’idda si faccia a prumuzioni d’issu sport cù evenimenti cumpagni. A so spiranza hè di ghjunghja à accodda i squadri di l’isula in ghjiru à un prughjettu di Squadra Corsa, da pudè ghjunghja à u più prestu à liveddu lla Fidirali 1, u terzu scalinu llu rugby in francia, è l’ultimu innanzi à u prufiziunalismu.

Steti à senta à Jean-Simon Savelli.

Pà a squadra di Montpellier, sarà l’unica partita pà appruntà u campiunatu : ci hè vulsutu u riposu, dopu à una staghjoni finita in a gioia, ma chì fù longa è dura.

Philippe Saint-André dittu « le goret », l’addistradori di i campion’di francia, spieca ciò ch’idda porta à Corsica à l’appruntera di Montpellier.

Steti lu à senta.