Le Direct

Rixe de Siscu : le procès renvoyé au 15 septembre

(A redazzioni d'Alta Frequenza) - U prucessu subbitu di cinqui omi, ghjudicati pà u so impegnu suppostu in una baruffa viulenti in una cala di Siscu sabbatu scorsu, hè statu rinviatu ssu ghjovi à u 15 di sittembri. A dicisioni hè stata resa appena dopu a so apartura davanti u tribunali curriziunali di Bastia. Dui Sischesi è trè fratelli, chì campani in Furiani è "d'urighjini magrebina" sicondu a pricura erani prisenti in a sala d'audienza à 3 ori. L'avucati di ss'ultimi, Anaïs Colombani è Jean Pierre Ribaut Pasqualini, ani dumandatu u rinviu pà un asamini più bonu di i cartulari di i so clienti. L'hè stata accurdata da u tribunali. Da un'antra banda, sicondu u prucuratori di a Republica di Bastia un quattriesimu membru di a famighja magrebina duvia essa inde u box, ma quissu quì ùn hè ancu statu trovu. I dui Sischesi sò surtiti libari dopu à l'audienza, ma sottu à cuntrollu ghjudiziariu, com'è dui di i trè fratelli incausati in ssu cartulari. U terzu omu, pà contu soiu, hè imprighjunatu di manera pruvisoria fin'è u prucessu di u 15 di sittembri.