Risque incendie : fermeture des massifs du Fango, Bonifato et du territoire de l'Agriate
(A redazzioni d'Alta Frequenza) - A situazioni di sicchia strema ch'ella cunnosci a Corsica Suprana, impeghjurita da u ventu da punenti à meziornu punenti chì si rinfrorza duranti tutta a ghjurnata di ghjovi eppo a notti dopu cù in media buffulati trà 70 è 80 chilometri à l'ora, da Balagna à Capicorsu è fin'è u nordu di Bastia, faci crescia torna di più u risicu di fochi di furesta. Di pettu à ssu risicu spertizatu "assai siveru" in Nebbiu è in Balagna da i sirvizi di Météo France, a circulazioni nant'à i stradi è altri chjassi furestieri di u Fangu è di Bunifatu è di u Tarritoriu di l'Agriate hè pruibita à i parsoni chì facini spassighjati è à i vitturi da ssu ghjovi da mani à 7 ori fin'è dumani à listessa ora.
Sur le même sujet
