Risque incendie : fermeture de certains massifs forestiers en Haute-Corse
(A redazzioni d'Alta Frequenza) - Météo France privedi pà ssu sabbatu un episodiu di ventu chì, in più di a sicchia forti di a vegetazioni, porta u risicu di focu di furesta altissimu in Corsica Suprana. Di pettu à ssu risicu spertizatu com'è assai siveru in Balagna, a prifittura hà dicisu di pruibiscia a circulazioni nant'à i chjassi di i muntagni di u Fangu, di a furesta di Bunifatu è di a parti uccidintali di u tarritoriu di l'Agriate à i parsoni chì facini spassighjati è à i vitturi da ssu sabbatu da mani à 7 ori fin'è ssa dumenica à listessa ora.
Sur le même sujet
