Réunion de travail du garde des Sceaux en Corse : la réaction de Gilles Simeoni
(A redazzioni d'Alta Frequenza) - Un ministru ùn hè guasgi mai statu cusì discretu duranti una visita in Corsica. In fatti, u ministru di a Ghjustizia, Jean Jacques Urvoas, hà tinutu luntanu i micrò, camerà è penni di una stampa chì hè stata lacata fora di u Palazzu di Ghjustizia di Bastia induva u ministru hà direttu una riunioni cù i prucuratori di a JRIS par asempiu pà quistioni di grandi banditisimu. Jean Jacques Urvoas hà ricivutu dinò i parlementarii corsi, ma dinò u presidenti di l'Assemblea di Corsica è u presidenti di l'Esecutivu, prima d'andà à a prighjoni di Casabianda. U cartulari di l'avvicinamentu di i prighjuneri isulani hè statu amintatu mentri ssi scontri, un cartulari difesu d'una manera unanima da tutti l'eletti ricivuti pocu impremi u so culori puliticu. L'affari di Siscu hè dinò statu trattatu.
Steti à senta à Gilles Simeoni, u presidenti di l'Esecutivu di Corsica.
Sur le même sujet
