Réunion de Paris : L'indispensable devoir de réussir pour Fà Populu Inseme
Photo Facebook Romain Colonna
Mancu una sittimana dopu à u scontru trà l’eletti corsi è gérald darmanin, u ministru francesu di l’internu, u gruppu Fà Populu Insemi hà datu una cunfarenza di stampa.
Pà l’eletti lla maiurità tarrituriali, ci voli à essa attenti ben’intesa, ma ci voli supr’à tuttu à dà si i meza di fà sbuccà u prucessu, è ancu di renda lu storicu.
Dici Jean Biancucci ch’idda ci voli una timpuralità adatta, ma ch’iddi ci volini ancu i risposti à curtu andà par parichji chistioni, innanzi à a risuluzioni di i cartulari di mediu è longu andà.
Ùn scantà nisciun’ dialugu, ma ùn ceda micca à nantu à i fundamintali : eccu com’iddu vidi l’affari Jean Biancucci, u prisidenti llu gruppu Fà Populu Insemi à l’Assemblea, chì no’ stemu à senta.