Rétro août 2012 : tous les courants politiques de l'île aux Ghjurnate di Corti
(A redazzioni d'Alta Frequenza) - Cuntinuemi a nostra retruspettiva di u 2012 nant'à i nostri ondi oghji cù un ritornu assai particulari nant'à u mesi d'aostu, è nant'à un avenimentu puliticu chì hè statu propiu rimarcatu. Ci era assai mondu in fatti u 5 d'aostu in Corti, è frà altru parechji ghjurnalisti, pà assista à un affari chì omu ùn pudia mancu avè in menti calchì annu fà. In fatti, tutti i currenti pulitichi, diritta, manca, naziunalisti, s'erani ritrovi sottu à i tindoni di i Ghjurnati di Corti pà rifletta insemi à l'avvena di a Corsica. Ci voli à rammintà si chì à l'epica, i dibattiti di l'Assemblea di Corsica, è frà altru u travaghju di a cummissioni Chaubon, aviani dighjà cuminciatu, è largamenti. Un novu statutu pà a Corsica! Issu tema ùn era micca piattatu è omu hà cuntrastatu dunqua in libertà nant'à a co ufficialità di a lingua, nant'à un statutu di residenti o ancu nant'à a riurganisazioni di u tarritoriu. Ghjuvan Guidu Talamoni, chì avia purtatu i dibattiti, avia incalcatu assai nant'à l'impurtanza di issa manifestazioni.
Écoutez-le.
Sur le même sujet
