Rétro 2012 : les plans locaux d'urbanisme en question
(A redazzioni d'Alta Frequenza) - Unu di l'avenimenti forti di l'annata 2012, hè ben intesa tutti i prublematichi inghjiru à a speculazioni immubiliari, di u fundariu è dunqua di i Piani Lucali d'Urbanisimu. Si n'hè parlatu assai, annu fà è frà altru pà ciò chì tocca à l'annulazioni di issi PLU, dopu à l'azzioni in ghjustizia à l'iniziativa di u mezu assuciativu. U prifettu di Corsica era ghjuntu, principiu di ghjunghju, davanti à u cunsighju ghjinirali di Corsica Suttana pà prisintà u famosu raportu d'attività di i servizii di u Statu in Corsica. S'è Patrick Strzoda s'era filicitatu di i rilazioni bunissimi trà i servizii di u Statu è i cullettività lucali, avia fattu cunnoscia dinò un certu timori nant'à l'annulazioni di i piani lucali d'urbanisimu. Di pettu à l'annulazioni di parechji PLU, u prifettu avia dittu ch'ellu ùn capiscia micca sempri u sensu di certi dicisioni di ghjustizia è avia missu in risaltu certi incuerenzi.
Ecoutez, Patrick Strzoda.
