Le Direct

Retour sur la convention d'animation économique de la CAB avec la CCI de Corse et la Chambre des Métiers et de l'Artisanat

Ghjovi, a Cumunità d’Agglumirazioni di Bastia, a CCI lla Corsica è a Camara lli Mistiera ani prisintatu a cunvinzioni d’animazioni ecunomica chì l’hà da lià pà l’anni à vena.

U so scopu hè d’avvià una vera cullaburazioni trà issi trè stituzioni. À senta li, d’altrondi, si tratta chivi d’una nuvità in Corsica.

Cusì, sarà facilitatu l’accessu à i varii dispusitivi d’issi trè urganismi, da rinfurzà l’attività ecunomica, ch’idda sichi pà i imprisaria o pà l’artisgiani.

A Cumunità d’Agglumirazioni di Bastia pudarà metta in anda i so proprii dispusitivi d’aiutu, in cullaburazioni cù i so dui soci.

Christophe Graziani, di a CCI lla Corsica, dici ch’iddu si tratta d’un prugrama d’accumpagnamentu ecunomicu stesu bè è beddu intarissanti, masimu parvia lli so sinergii.
Steti lu à senta.

Da i parti lla Camara lli Mistiera è di l’Artisgianatu, si pensa ch’issu dispusitivu pudaria guidà altri cumunità di cumuni, ancu puri in l’internu.

Steti à senta à Jean-Charles Martinelli, chì n’hè u prisidenti.