"Retour de la CFR via France-Corse" : la jeunesse corse décide de faire front
(A redazzioni d'Alta Frequenza) - A ghjuventù corsa hà dicisu di mubilizà si issu ghjovi in Corti, à traversu parechji urganisazioni, contr'à u ritornu "d'idei periculosi di pettu à a ricriazioni di a CFR cù l'associu France-Corse". Ghjovani isulani chì ùn capiscini micca u postu "di più in più maiò" di iss'entità ind'i sfarenti media. Un currenti di pinsata chì, à parè soiu, hè "minuritariu è trapassatu", ma chì ferma dunqua quantunqua periculosu, di pettu à i pusizioni di quissu quì nant'à i cartulari di gran primura di a pulitica isulana, com'è u statutu di a lingua corsa, i pussibuli evuluzioni istituziunali o custituziunali frà altru. Una ghjuventù corsa, è studientina in particulari, chì voli fà fronti com'è a ci dici Massimu Poli, presidenti di a Ghjuventù Arrita, chì hà da participà à a cunfarenza di stampa di issu ghjovi in Corti.
Écoutez-le.
Sur le même sujet
