Ressources de la collectivité unique : le gouvernement campe sur ses positions
(A redazzioni d'Alta Frequenza) - I risorzi di a futura Cullittività di Corsica torna in dibattitu ! Ssu ghjovi, in u Senatu, hè u senatori di Corsica Suttana, Jean Jacques Panunzi, chì hà vulsutu lampà una chjama à u Prima ministru nant'à ssa prublematica. Amintendu una riforma imposta cù un ritimu furzatu è di bassu nivellu à l'epica di l'anzianu guvernu, cù a brama putenti di i naziunalisti di caccià i cunsighji dipartimintali, Jean Jacques Panunzi hà dinunziatu a mancanza di sustegnu finanziariu eccezziunali è durevuli à prò di a cullittività unica. U senatori di Corsica Suttana hà dumandatu dinò s'è una vera legi spicifica à a Corsica pudaria nascia da quì à pocu in u quadru di a Republica. Hè a ministra pà u ministru di l'Internu chì hà infini rispostu à Jean Jacques Panunzi. Jacqueline Gourault ùn hà datu nisun elementu in più è s'hè cuntintata di ramintà solu nant'à a quistioni finanziaria i trè punti dighjà prisintati calchì simana fà da u ministru di i Conti Publichi, Gérald Darmanin.
Steti à senta à Jacqueline Gourault.
Sur le même sujet
